По Брегзит ќе биде ли Британија Сингапур во Европа?

Добивај вести на Viber

Функционер на германската централна Бундес банка, ја предупреди Велика Британија дека по Брегзит, лондонскиот финански центар Сити најверојатно ќе ја загуби својата сегашна улога на „порта на ЕУ“ за виталните финансиски работи.

Андреас Домбрет, член на Управниот одбор на Бундес банката, вели дека и кога правилата за банкарско работење меѓу Велика Британија и ЕУ би останале идентични, Сити ќе биде „многу далеку“ од пристапот кон заедничкиот пазар на ЕУ.

Во германските банкарски кругови се стравува од можноста Велика Британија по Брегзит да се претвори во „Сингапур во Европа“, намалувајќи ги даноците и олеснувајќи ја финансиската регулатива за да се потикнат банките и бизнисот да инвестираат во земјата. 

Лондонски Сити, сега, претставува финансиски главен град на ЕУ. Повеќе од една третина од целото банкарство, меѓу големите бизниси, владите и пензиските фондови е сместено во Велика Британија.

Скоро 80% од сите девизни трансакции на ЕУ се извршуваат во Сити, низ кој дневно минуваат стотици и илјаднци милијарди фунти промет. 

Дамбрет зборувал на конференција на германските бизнисмени и банкари во Франкфурт, чии детали ги откриваат британските медиум, кои забележуваат дека станува збор за едно од ретките отворени искажувања за тоа каква ќе биде позицијата на Германија во преговорите за Брегзит.

Медиумите во Лондон забележуваат дека германскиот пристап кон истапувањето на Лондон од ЕУ ќе биде „прилично цврст“.

„Сегашниот модел да се користат Лондон и Сити како порта на ЕУ, многу е веројатно дека ќе престане да постои“ - вели  Дамбрет. 

Бундес банката која е одговорна за надгледувањето на банките и на вкупните финансии не ја крие загриженоста од актуелниот засилен тренд за притискање врз меѓународно усогласените стандарди.