По бурните реакции премиерот Заев напиша нов статус за историјата

Добивај вести на Viber

Една изјава за грчки медиум дадена од премиерот Заев ја збесна јавноста.

По бурни и жестоки реакции на кажаното од Заев за грчка „Алфа“ дека Македонците присвојувале туѓа историја, првиот човек на Владата се обиде да се оправда.

Преку социјалните мрежи, Заев напиша дека не присвојувале „Македонците туѓа историја, туку Груевски и неговата политичка елита и нивните послушници квазиексперти кои тргнаа во медиумска офанзива да оправдаат идентитетски инженеринг“.

Во постот на официјалниот профил, премиерот дополнува дека „Груевски и неговата пропаганда спроведоа идентитетски инженеринг за да насадат нешто што не е природен, ниту суштински дел од македонскиот национален корен. Спроведоа масивна и масовна културолошка операција наречена антиквизација за да букефализираат цел еден народ и со тоа да нѐ скараат со сите соседи. Им успеа цела деценија да нѐ држат во изолација“ , додавајќи дека додека врвеа и ги поттикнуваа наводните дебати за тоа кои сме и што сме, нѐ фрлија во изолација и ги фрлија во мрачните подруми нашите приоритети - ЕУ и НАТО. Го уназадија и блокираа целиот процес, тој  ја вложил целата  политичка сила за да реши прашања за иднината и за сите идни генерации.