По четири дена по ред, денеска без протести на „Кирил и Методиј“
Објавено во: Економија 17 Јануари, 2020
По четири дена по ред претпладневно блокирање на сообраќајот во центарот на Скопје, протестот на закупувачите на тезгите од Зелен пазар денеска биде ставен во мирување и денеска нема да се изразува незадоволството од мерките на Паркинзи на Општина Центар кај паркиралиштето кај „Аутомакедонија“.
Протестот е ставен во мирување до понеделник, беше решено на вчерашната средба на пазарџиите со градоначалникот Саша Богдановиќ пред седиштето на општината. Во понеделник ќе има средба на која двете страни се надеваат дека ќе дојде до решение за проблемите со паркирањето и дотурот на производите на тезгите.
Инаку, општината Центар, минатата недела воведе рестриктивни мерки на паркиралиштето кај „Аутомакедонија“ и ја зголеми цената на паркирањето, што предизвика револт на закупците на тезгите, затоа што според нив, тоа ќе влијае на нивната работа, имено намалувањето на дневниот сообраќај у промет.
Градоначалникот на Општина Центар, Саша Богдановиќ, вчера истовремено рече дека поскапената цена на паркингот е само изговор на пазарџиите и дека на Зелен пазар владеело хаос што ја принудило општината да воведе ред.
Можеби ќе ве интересира
СИНОТ НА СВЕТОЗАР, ЈАНЕ ЈАНЕВСКИ, СТАНУВА ПРЕТСЕДАТЕЛ НА УО НА „АУТОМАКЕДОНИЈА“ - и оттаму заминува Џон Илија Јоновски
НОВА ИНИЦИЈАТИВА ДО УСТАВЕН СУД ЗА УКИНУВАЊЕ НА ЧЛЕН 368 ОД ЗАКОНОТ ЗА ОБЛИГАЦИОНИ ОДНОСИ - тој е негативен за приватниот сектор
КОЛКУ ДИВИДЕНДА ЌЕ ДОБИЕ СИМОН, А КОЛКУ САШО НАУМОСКИ - прилепска „Витаминка“ го објави планот, еве ги деталите
ЦРН ДЕН ЗА ГЕРМАНСКАТА ЕКОНОМИЈА: Гигантот го прекина производството по 30 години - позната компанија ја изгуби трката со кинеска фирма
АСО ја охрабрува Владата за измени на Тарифникот за авто-осигурување
Стотици домаќинства сега продаваат струја во Македонија, интересот сепак ограничен
При кумулативен пораст на цените од 61.5 отсто, само премиите за авто осигурување се замрзнати 15 години
Дваесет години не го воведоа еврото и се спасија од рецесија
Радикално покачената минимална плата ги зголеми цените на услугите
