По изјавата на Радев за пописот, Брисел очекува Бугарија да не се меша во внатрешните работи на Македонија
Објавено во: Македонија 07 Октомври, 2021
Од Европската Комисија денеска реагираа на изјавата која бугарскиот претседател Румен Радев ја упати вчера кон властите во Македонија.
Брисел очекува Бугарија да не се меша во внатрешните работи на Македонија. По вчерашната изјава на Радев дека очекува 120 илјади граѓани да бидат попишани како Бугари во Македонија, реагираше ЕК. На прашање на МИА, портпаролката на ЕК, Дана Спинант, одговори дека земјите членки под ниеден услов не смеат да се мешаат во домашните работи на други земји.
„Ако ме прашувате генерално прашање - дали една земја може да и диктира на друга земја што треба да прави,? - Ќе ви кажам не. Ние тука не зборуваме за диктирање на правила, туку за дискусија на работите. Сакаме да се реши ова билатерално прашање поради кое Бугарија не прифаќа одржување на првата меѓувладина конференција со Северна Македонија“, вели Дана Спинанат, портпарол на ЕК.
Премиерот Зоран Заев денеска повторно се изјасни дека вклучувањето на Бугарите во Уставот, никогаш не бил проблем, но смета дека нема потреба од брзање.
Радев испорача долга листа услови кои задираат во историјата.