НА ЕВРОПА И СЕ ЗАКАНУВА НОВ НЕВООБИЧАЕНО ЛАДЕН БРАН - Попоски најавува многу дожд, но и снег
Објавено во: Свет 01 Јуни, 2024
Метеопрогнозерот Славчо Попоски попладново укажа дека и покрај почетокот на летото во Европа, на стариот континент му се заканува нов студен и влажен бран.
- Веќе околу, па и по 5 јуни од северозапад во Европа ќе навлезе многу поладен воздух кој нагло ќе ги спушти температурите на воздухот далеку под просекот за месец јуни. Покрај ова овој ладен воздух ќе биде придружен и со силен циклон кој во северна па и во делови од централна европа ќе предизвика пообилни врнежи од дожд и снег - објави Попоски на неговата „Метео аларм“.
Тој дополни дека „не се исклучува можноста овој ладен бран да предизвика и појава на утрински мразеви, особено на повисоките и на планинските места“.
Секако дека ова е невообичаено за овој дел од годината, поради тоа што денес е веќе лето, додава тој.