По ненајавената посета и снимање, Трипуновски ќе добие кривична
Објавено во: Македонија 18 Јануари, 2020
Дополнителниот заменик-министер за земјоделство, Цветан Трипуновски вчера беше во ненајавена посета и контрола на Подрачната единица на МЗШВ во Берово. Тој со себе носеше и човек за да го снима целиот процес.
За оваа своја постапка ќе „заработи“ кривична пријава.
Раководителот на подрачната единица во Берово подготвува кривична пријава против неговиот актгуелен шеф, јави телевизијата 24.
Од Министерството за земјоделство велат дека се нарушени правата на приватност и лични податоци. Трипуновски неовластено ги пуштил јавно.
Министерството за земјоделство се огради од постапките на Трипуновски.
Трипуновски влезе во канцеларија и ги прашуваше вработените за имињата, а потоа го побара и раководителот.
Видеото беше објавено на социјалните мрежи. Бурни реакции имаше од граѓаните кои негодуваат околу каквите контроли.
Во Владата на екс премиерот, Никола Груевски, поранешниот министер за здравство, Никола Тодоров, практикуваше ненајавени посети во болниците во државата.