По „славното“ зголемување од два отсто, Владата повторно ќе ги „дарува“ воспитувачките?

Добивај вести на Viber

Откако пред една година Владата на Македонија им ги зголеми приходите за само два отсто на воспитувачките во градинките, на најновата владина седница е ставена точка на која повторно ќе се разгледа информација за зголемување на коефициентите на сложеност на работите во јавните установи за деца-детски градинки во 2018 година.

Минатата година на воспитувачките и другите вработени им беше овозможено да добиваат минимална плата, бидејќи истата беше помала од 12.000 денари, а згора на тоа беше надоврзан и процентот од два отсто.

„Основната бруто плата пред зголемувањето од два процента за септември за одредено работно место би изнесувало 15.090 денари, со зголемувањето од два отсто на бруто платата добиваме сума од 15.392 денари, а со зголемувањето на минималната плата за истата бруто плата добиваме 17.130 денари. Тоа значи дека зависно од одредено работно место ефектот од зголемувањето од два процента и зголемувањето на минималната плата за вработените во градикните ќе изнесува до 2.040 денари“, соопшти тогаш министерката за труд и социјална политика Мила Царовска.

Првата зголемена минимална плата беше септемвриската, исплатена во октомври 2017-та.