По смртта на Дончев, назначен нов директор на Адинг
Објавено во: Економија 25 Ноември, 2021
Зоран Петровски, дипломиран инженер архитект е нов директор на Адинг. Тој ќе раководи со компанијата по смртта на Благој Дончев кој почина минатиот месец. Петровски ќе биде нов претседател на Управниот одбор
„Се овластува претседателот на Управниот одбор да ги преземе сите дејствија и преку регистрационен агент да поднесе пријава за упис на промена на членовите на Управен одбор на АДИНГ АД во трговскиот регистар при Централниот регистар на РСМ, стои во известувањето до Македонска берза.
Благоја Дончев беше долгогодишен директор на Адинг.
„Неговото лидерство, високата работна етика и вредностите кои ги вгради во темелите на компанијата, денес се нераскинлив дел од нејзиниот код. Беше енергична личност, учител и пример за многу генерации професионалци позади него,несебично споделувајќи ги техничките знаења од областа, бизнис искуствата и вештините. Преку неговото мото дека „АДИНГ е и ќе биде состојка на секоја градба”, изгради и постави здрави основи за понатаму, што гордо го сметаше за еден од своите најголеми успеси, соопштија тогаш од компанијата.