По средбата Заев - Ахмети има ли конкретни имиња кои ќе бидат сменети?
Објавено во: Македонија 21 Мај, 2019
Реконструкција на Владата била клучната тема на средбата меѓу коалиционите партнери, Зоран Заев и Али Ахмети, но од двете партии велат дека не станало збор за конкретни имиња, туку само за концепти.
Во соопштението од Владата се вели дека процесот на евентуални кадровски промени е отворен. На средбата е договорено дека ќе следуваат консултации во двете политички партии на чие чело се двајцата лидери, по што разговорите ќе продолжат.
Целта на овие иницијативи е обезбедување кадровски решенија за зајакнување на капацитетите на институциите, во насока на исполнување на подобри резултати на економски план и исполнување на очекувањата на граѓаните. Заев веќе најави дека на удар ќе бидат функционерите кои не покажале резултати, но и кои биле кои не ги исполниле очекувањата.
Од ДУИ велат дека ветингот за функционери и реконструкцијата се два одвоени процеси.