По удар од фиат пунто починал 66 годишен виничанец - полицијата со детали
Објавено во: Македонија 14 Декември, 2020
Шеесет и шест годишен виничанец починал откако во него удрило возило фиат пунто, управувано од 40 годишен човек, исто од Виница. Несреќниот човек бил пренесен во болница, но таму била констатирана смрт.
Еве какви детали за оваа сообраќајна несреќа соопшти Министерството за внатрешни работи.
„На 13.12.2020 во 18,00 часот во Виница на ул.„Крушевска Република“, патничко моторно возило „фиат пунто“ со винички регистарски ознаки, управувано од З.П.(40) од Виница, удрило во пешакот М.Г.(66) од Виница. По незгодата М.Г. со возило на итна медицинска помош бил пренесен во Здравствен дом Виница, каде била констатирана смрт. Увид на местото на настанот извршиле јавен обвинител и увидна екипа од Полициска станица Виница“, се вели во соопштението од полицијата.