ПО УДАРОТ, ИСТРЧАВ ДА И ПРУЖАМ ПОМОШ НА ВИКТОРИЈА, ГО ДОВИКУВАВ НЕЈЗИНОТО ИМЕ, НО НЕ РЕАГИРАШЕ - потресно сведоштво на Леонид
Објавено во: Македонија 02 Февруари, 2022
Четврток, 20 јануари. Додека Леонид бил на работа, неговата девојка Викторија, учела за постдипломските студии. Попладнето, заедно го подготвиле омиленото јадење. Потоа решиле да одат на шопинг во Сити Мол. На враќање, на пешачкиот премин, ги удира автомобил.
Леонид Даов и Викторија Николова, која им подлегна на повредите, се разделуваат засекогаш.
Десет дена по овој кобен настан родителите, роднините, пријателите положија цвеќе и запалија свеќи за 24 годишната Викторија на истото место кадешто го загуби животот. Преку мирниот протест побараа да се стави крај на безобзирното и неказниво возење по улиците и да се подигне свеста на учесниците во сообраќајот. Меѓу нив беше и Леонид (24), студент на факултетот за информатички науки и компјутерско инженерество во Скопје, вработен како програмер во програмерска компанија.
Солзите постојано му се тркалаа по лицето додека стоеше покрај родителите на Викторија. Сите беа скршени од болка.
- Пешачките премини и тротоарите се единственото место каде пешаците треба да се чувствуваат безбедно.
Како се чувствувате, имате ли болки од повредите со кои се здобивте во несреќата?
- Може да се каже подобро. Првите денови по незгодата, физичките болки беа интензивни. Сега полека стивнуваат.
Љубовната приказна започна пред четири години
Успевате ли некако да се носите со тагата?
- Искрено многу ми е тешко. Болката е огромна. Се трудам да мислам на сите убави заеднички моменти со мојата Викторија. Но, тоа не ја намалува тагата.
Повеќе детали од ова потресно сведоштво на Леонид читајте на Женски магазин