Почина првиот министер за здравство во независна Македонија
Објавено во: Македонија 17 Декември, 2021
На 77-години денеска по кратко боледување почина проф. д-р Перко Колевски.
Роден е на 27 декември 1944 во Бунеш, Пробиштипско. Тој беше редовен професор на Медицинскиот факултет и прв министер за здравство на независна Република Македонија во Владата на Никола Кљусев. Основоположник е на имунологијата и трансплатацијата на бубрег во земјава. Бил и директор на Институтот за трансфузиона медицина при Клинички центар Скопје. Добитник е на државната награда „11 Октомври”. Тој е одликуван и со орден за заслуга за народ со сребрена ѕвезда.