Почина светски познатиот физичар Стивен Хокинг
Објавено во: Свет 14 Март, 2018
Светски познатиот физичар, Стивен Хокинг, кој се обиде да објасни некои од најкомплицираните прашања за животот почина на 76 години, соопшти Здружението за медиуми на Британија, повикувајќи се на претставник на неговото семејство. Истражувачкиот ум на Хокинг ги испитувал границите на човечкото разбирање и во Вселената и во подмолекуларниот свет на квантната теорија.
Тој е познат по своето дело за мистеријата на црните дупки во Вселената, дупки од излегува енергија и исчезнува во празно – феномен кој подоцна ќе биде наречен Хокинг зрачење како и по релативитетот . Професорот Хокинг бил првиот што ја поставил теоријата за универзумот како збир на релативитетот и квантната механика.
Хокинг беше познат и како „чудо на природата“, бидејќи успеал да ги побие сите лекарски предвидувања дека ќе има кус живот, откако на 22 годишна возраст му бил дијагностициран редок вид болест на невролошкиот систем.
Поради болеста тој поголемиот дел од животот го мина во инвалидска количка и не можеше да зборува, освен преку синтетизатор на глас.
Роден е на 8 јануари 1942 година во Оксфорд, Англија. Во1959 се запишал на Универзитетот во Оксфорд за да студира природни науки , а завршува со докторат на Кембриџ.
Неговата книга „Кратка историја на времето“ објавена во 1988 година, е продадена во повеќе од 10 милиони примероци.
Стивен Хокинг почина утрово на 76 годишна возраст.