ПОДДРШКА ЗА ПОКОНКУРЕНТНА ПОЗИЦИЈА НА КОМПАНИИТЕ ОД БИТОЛСКИОТ РЕГИОН
Објавено во: Економија 11 Мај, 2018
Во Општина Битола се оджа работен состанок на бизнис заедницата со претседателот на Владата на Република Македонија Зоран Заев и со заменикот на претседателот на Владата на РМ, задолжен за економски прашања и за координација со економските ресориКочо Анѓушев. На состанокот се дискутираше за тековните активности, проблеми и развој на регионалната економија.
Општина Битола заедно со Регионалната комора со седиште во Битола при Стопанската комора на Македонија, беа домаќини на средбата на која владините претставници, пред бизнис секторот од битолскиот регионги презентираа заложбите и мерките за поддршка на развојот на економијата во целост како и можностите за поддршка на претпријатијатапреку третиот столб, вклучително и новата мерка за поддршка на пораст на платите до 18.000 денари во трудоинтензивни дејности.
Премиерот Заев, ја нагласи подготвеноста на Владата за превземање на конкретни мерки и активности во стабилизирање и зацврстување на развојот на домашниот сектор, помош на инвестициите кои ќе ги реализираат како странските така и домашните компании, како и натамошен развој на институциите кои се сервис на стопанството во земјата.
Заменикотна претседателот во Владата задолжен за економски прашања, Кочо Анѓушев, детално ги претстави сите законски решенија кои им овозможуваат финансиска поддршка на компаниите, критериумите за аплицирање во насока на подигнување на нивниот степен на развој и конкуретност, како и подршка на извозната ориентираност.
Градоначалникот на Општина Битола, Наташа Петровска, поздравувајќи го големиот одзив на претставниците на стопанството, ја истакна поддршката што Општината им ја нуди на претријатијата со креирање на една ефикасна локална администрација која ќе биде ориентирана кон пратење на развојот на компаниите во регионот.
Од позиција на бизнисот, претседателот на Регионалната комора со седиште во Битола, Мирко Велковски и овој пат ги потенцираше примарните заложби на бизнис-секторот за поинтензивен развој на инфраструктурата, патната и железничката мрежа како и гасификацијата на регионот и можноста за поефтин енергенс во процесите на производство, а со тоа и поконкурентна позиција на компаниите од регионот и државата на пазарите.
Во рамки на состанокот се разви дискусија во рамки на која претставниците од присутните компанииги презентираа тековните проблеми, но и активностите и плановите за во иднина.