Поднесени се кривични пријави за забавите организирани на Градиште
Објавено во: Македонија 03 Август, 2020
Поднесени се 2 кривични пријави за забавите организирани на Градиште, на плажите 2 и 3, пренесува „Слободен печат“.
Во Охрид само петмина пазарни инспектори работат да ги казнат оние што не ги почитуваат протоколите, а на помош викендов им дошле и колегите од Скопје и од Гостивар.
На социјалните мрежи се појави видео каде се гледа како млади луѓе се забавуваат, а при тоа ниту носат маски, ниту држат дистанца.Во овој продолжен викенд, заедно со колегите од Скопје и од одделението во Гостивар, со петнаесет инспектори направени се 75 надзори во 2 дена. На подрачјето на Охрид имаме 2 кривични пријави по членот 206 од Кривичниот Законик конркетно за журки во Градиште, на плажите два и три. На подрачјето на Струга во кафуле покрај Дрим постапивме, но наидовме на попречување па полицијата се вмеша во случајот и се преземаат дополнителни мерки, велат од Пазарниот инспекторат одделение Охрид, за „Слободен печат“.