„Подравка“ се посомнева во своите производи и ги повлече
Објавено во: Економија 07 Јули, 2018
Хрватскиот гигант од прехрамбената индустрија „Подравка“ по своја иницијатива повлекува дел од своите замрзнати производи на пазарот во Хрватска.
Артиклите се произведени до 20 јуни, но постои сомнеж дека има можно микробиолошко отстапување и дека треба да се провери.
„Како мерка на претпазливост, а со цел да ги заштити своите потрошувачи, ‘Подравка’ на сопствена иницијатива донесе одлука за повлекување на дел од асортиманот на замрзнат зеленчук на пазарот во хрватска, произведен до 20 јуни 2018 година“, објави „Подравка“ на својата интернет страница.
Станува збор за следните производи: Млад грашок 450г, Грашок морков 450г, Жолта боранија 450г, Спанаќ 450г, Зеленчук за француска салата 450г, Кралски микс 450г, Летен микс 400г, Брокула 400г, Минестроне 400г, Раскошен микс 450г, Мексикански микс 400г, Зелена боранија 450г, Зеленчук за супа 400г