ПОГРЕБАЛНИТЕ ПРЕТПРИЈАТИЈА ЗЛОУПОТРЕБУВААТ: За да го земат починатиот од болница, семејствата плаќаат од 25.000 до 120.000 денари

Добивај вести на Viber

Коалиција Алијанса за Албанците и Алтернатива денеска реагира на работата на погребалните претпријатија, посочувајќи дека, како што велат, покрај загубата на нивните најблиски, голем број на граѓани се принудени да платат огромни суми на пари за погреб на починатите како последица на Kовид-19. Граѓаните се оставени во немилост и без соодветна здравствена грижа, без работа, сиромаштија која секој ден тропа во нивните врати

-Според сите релевантни статистики, Северна Македонија има најголем процент на смртност како последица од пандемијата, додека граѓаните покрај сите други потешкотии со кој се соочуваат нашите се принудени да платат огромни суми на пари за погребот, п точно, за да се подигне починатиот од болница (мртовечница) мора да платат големи суми на пари кој според нашите информации се движат од 25.000 илјади до 120.000 илјади денари, средствата треба да им се платат на погребалните служби, а тие се правдат со еден непостоечки протокол на Министерството за здравство, според кој, треба да се користат специјални ПВЦ материјали и лимен-ковчег. Очигледно е дека голем број на граѓани се практично ограбени од страна на погребалните служби, а тоа го дозволува Министерството за здравство, бидејки нема превземено никаква мерки. Бараме одговорност и објаснување од Министерството за здравство како се уплатени тие средства, на која сметка,за каква цел и каде завршиле тие пари, бидејќи има случаи кога парите се платени при подигање на починатите од болница, соопштија од коалицијата.

Коалиција Алијанса за Албанците и Алтернатива предлага ова категорија на граѓани, односно сите семејства кои имат изгубено свој член како последица од Ковид-19, да бидат опфатени со петата мерка на Владата и да им биде доделена одредена сума на средства како надомест за погребални трошоци, а Министерството за здравство да преземе конкретни законски дејствија за да се расчисти случајот со погребалните служби кои ја злоупотребуваат кризната состојба со пандемијата.