Полицијата и натаму го бара Панчевски во Велес, меѓународна потерница се уште нема
Објавено во: Македонија 14 Јули, 2020
Наќе Чулев,. техничкиот министер за внатрешни работи, на денешната прес-конференција, одговарајќи на новинарско прашање рече дека полицијата се уште трага по поранешниот претседател на Кривичниот суд, Владимир Панчевски, во Велес.
- Во три наврати припадници на полицијата од Центар се обидуваа да го пронајдат бараното лице , по што е информиран секторот во Велес и во моментов полицајци со правосудните органи се наоѓаат во овој град истовремено додека е распишана потерница, рече Чулев во обраќањето пред медиумите.
Како што рече министерот, се уште се утврдува дали лицето официјално ја напуштила државата, односно дали да се распише меѓународна потерница.
Панчевски се бара за издржување на 30-дневниот притвор. Основниот суд Велес, на Панчевски му одреди 30 дена притвор поради отсуство на рочиштето за судскиот предмет „АКМИС”, во кој е обвинет.
Судењето за злоупотреба на „АКМИС“ системот требаше да почне наесен, но досега овој судски процес не е започнат.