Поранешен генерал на НАТО стана претседател на Чешка
Објавено во: Свет 28 Јануари, 2023
Петр Павел, поранешен генерал на НАТО, ќе стане следниот претседател на Чешка откако го победи својот противник, милијардерот и поранешен премиер Андреј Бабиш.
По пребројувањето на повеќе од 90 отсто од гласовите, Павел обезбеди 57 отсто наспроти 43 што ги освои Бабиш.
Актуелниот чешки премиер Петр Фиала му честитал на поранешниот генерал, кој ги поддржува Украинците во борбата против Русија, пренесува Politico.
61-годишниот иден претседател се кандидираше како независен политички кандидат и вети дека ќе ја намали поларизацијата во источноевропската земја.
Додека поголемиот дел од политичката моќ му припаѓа на чешкиот премиер, Павел беше гласен поддржувач на поблиски врски со Европската унија, вклучувајќи го и усвојувањето на еврото како официјална валута во Чешката Република.
Пред да се кандидира за претседател, Павел беше началник на Генералштабот на чешката армија меѓу 2012 и 2015 година, а потоа беше претседател на воениот комитет на НАТО од 2015 до 2018 година.