ПОСЛЕ ДОЛГИ ГОДИНИ ЧУВМЕ ГЛАС ОД БОГОВ, А ГО ИСПРОВОЦИРАЛ КОСТОВСКИ - затворањето банки се случува поради погрешните одлуки на нивните директори

Добивај вести на Viber

Извештајот нарачан од некогашниот акционер и претседател на Надзорниот одбор на пропадната Еуростандард банка има сериозен проблем со кредибилитетот поради конфликт на интереси и користење на селектирани информации, вели во дописот до јавноста поранешниот гувернер на Народна банка, Димитар Богов.

Тој додава дека „токму поради дел од тие слабости и самиот автор ја искажува резервираноста за неговата употребна вредност.“

„Како поранешен гувернер во дел од периодот опфатен со извештајот, можам да кажам дека реалноста целосно го демантира истиот. Доколку состојбата навистина би била таква како што тој ја прикажува, македонскиот банкарски систем немаше да издржи неколку силни надворешни шокови во изминатите 20 години.

Тој издржа сериозни предизвици, како што беа: безбедносната криза во 2001-та, глобалната финансиска криза во 2008-та, грчката должничка криза, внатрешната политичка криза и неодамншената глобална пандемија.

Затворањето банки не е непознато нешто во светот на финансиите и тоа се случува секоја година и во развиените економии. Тоа секогаш е последица на погрешните кредитни одлуки на управните и надзорните одбори на банките, како што впрочем беше и во случајот на ЕСБ.

По закон регулаторот обично има должност да се грижи за стабилноста на банкарскиот систем, но не и за секоја индивидуална банка. И покрај сите мерки кои му стојат на располагање на регулаторот за да ги намали ризиците во работењето на банките, единствено акционерите се надлежни за управување со своите банки,“ вели Богов.

Имнаку, Богов долги години беше гувернер на Народната банка, а потоа се повлече и се воздржуваше од било какви изјави во јавноста.

Во моментов поранешниот гувернер на нашата централна банка работи во Европската банка за обнова и развој, а како што пишува на неговиот профил на Linkedin, тој е на позицијата регионален водечки економист за Источна Европа.