Потпишан договорот со Мурат Тиџарет кои ќе инвестираат 6,6 милиони евра
Објавено во: Економија 01 Декември, 2017
Дирекцијата за технолошко индустриски развојни зони, претставена од директорот Александар Младеновски и менаџерот на компанијата Мурат Тиџарет, Ејуп Ѓулсој потпишаа договор за закуп на градежно земјиште во ТИРЗ Скопје 2, со што се очекува нова инвестиција која за почеток ќе изнесува околу 6,6 милиони евра и 300 почетни вработувања..
Заменик претседателот на Владата задолжен за економски прашања д-р Кочо Анѓушев во своето обраќање пред присутните истакна дека потпишувањето на договорот за градежно земјиште е доказ дека Владата ќе гради добар однос со странските, но и со домашните инвеститори и дека владината поддршката за нови инвестиции ќе биде и повисока од минатото.
„Мерките од Планот за економски раст се транспарентни и со јасни критериуми за инвеститорите. Направивме симулација на постојните договори коишто ги имаме склучено со компаниите во ТИРЗ и резултатите се охрабрувачки. Сите компании кои работат со успех и се развиваат би биле и подобро поддржани. За таа цел Владата во новиот буџет детерминираше 46% повеќе средства во Програмата за економски развој за поддршка на инвеститорите, а се кратат непродуктивните трошоци за реклами. Разговараме со нови 19 инвеститори, а токму толку компании се моментално активни во ТИР зоните“, потенцираше Анѓушев.
Ејуп Ѓулсој, Менаџерот на компанијата Мурат Тиџарет, појасни дека планираат во првата фаза да инвестираат 6,6 милиони евра, со кои треба да се изгради производствен капацитет од над 6.000 метри квадратни метри и да се вработат околу 300 лица. Во периодот од 10 години, компанијата би вработила вкупно 600 лица, а вкупното производство би се простирало на околу 18.000 метри квадратни.
„Географската положба на Република Македонија, односно близината до Европската Унија, квалификуваната работна сила, позитивниот пристап на Владата и новиот пакет на мерки за државна помош кои Владата ги подготвува беа фактори кои придонесоа компанијата да се одлучи да инвестира во Република Македонија“, истакна Ѓулсој.
Директорот на ДТИРЗ Александар Младеновски истакна дека условите за инвестирање во зоните се исти за сите компании и дека дирекцијата е во постојани преговори со домашни и странски компании кои се заинтересирани за инвестиции.
Можеби ќе ве интересира
НЕВРАБОТЕНОСТ ВО ЕУ: Koи земји се со најниска стапка?
РАСТАТ ЦЕНИТЕ И ВО УГОСТИТЕЛСТВОТО - најмногу поскапеле ноќевањата, но и храната во рестораните
САМИТ НА МАКЕДОНИЈА2025 НА 15 И 16 МАЈ – ФОКУС НА ИНИЦИРАЊЕ ПРОМЕНИ И ИНОВАЦИИ ВО ЈУГОИСТОЧНА ЕВРОПА
НАЈБОГАТИОТ ЧОВЕК НА СВЕТОТ ИМ ОБЈАВИ ВОЈНА НА ГИГАНТИТЕ СО КАРТИЧКИ: Доста е!
ИНФЛАЦИЈАТА ПОВТОРНО ВИСОКА - на годишно ниво е забележан раст од 4 проценти, еве каде има најголемо поскапување
КОЈ Е ЧОВЕКОТ ШТО ЌЕ ГО НАСЛЕДИ ПОЗНАТИОТ ВОРЕН БАФЕТ - тој е навистина тежок шеф кој ви ги проверува сите бројки
„ГОЛЕМА ЧЕСТ ЗА НАШАТА ЗЕМЈА“: Брнабиќ ја нарече историска посетата на Кси Џинпинг, еве што кажа за соработката
Интервју со Бранко Азески - Како да се излезе од маѓепсаниот круг на низок економски раст?
КАКО СЕ ПРАВИ ЧИСТ ПРОФИТ ОД ТРИ МИЛИОНИ ЕВРА ЗА САМО ТРИ МЕСЕЦИ - рецептот го има прилепска компанија со странски газди
