Потврдена победата - Бајден: Ја враќам Америка да го води светот
Објавено во: Свет 25 Ноември, 2020
Се чекаа потврдите од деве одлучувачки држави, но официјалните резултати докажуваат дека Џо Бајден секако е новиот претседател на САД. Пенсилванија ја потврди победата на Бајден на претседателските избори, откако претходно тоа го стори и Мичиген, а последна и Невада.
Највисокиот суд на оваа американска сојузна држава, потврди дека Џозеф Бајден е победник на претседателските избри во оваа држава, со што резултатот од гласањето стана официјален. Со оваа едногласна одлука на седумте непартиски судии, шестте електорски гласа од оваа сојузна држава одат на контото на Бајден.
Тој пак изјави дека Соединетите држави се подготвени да го водат светот и го претстави својот дипломатски и националниот тим за безбедност.
„Тоа е тим што го рефлектира фактот дека Америка се врати, подготвена да го води светот, а не да се повлекува од него“, рече тој во Вилмингтон, алудирајќи на пресвртот во надворешната политика, пренесе „Франс прес“.