ПОВТОРНО ГОРИ: Нови пожари во околината на Велес
Објавено во: Македонија 03 Септември, 2019
Три нови пожари има во околината на Велес кај Црквино, Раштани и во близина на мотелот „Македонија“ на патот кон Градско
Во 11:30 часот избувна пожар кај село Црквино, а со пожарот е зафатена дабова шума и смрека на неколку хектари.Таму се уште гасат пожарникари од ТППЕ Велес, кои попладнево се упатија на уште два нови пожари кај селото Раштани во близина на Велес и кај Мотелот „Македонија“ што води кон патот за Градско. Љупчо Лепидовски командир на ТППЕ Велес, за МИА вели дека за справување со огнената стихија на три терени ангажирани се 20 пожарникари со противпожарни возила.Оваа летна сезона во велешко големи површини со шума беа уништени при пожари.