Познати имињата во комисиите за спроведување на добрососедската соработка

Добивај вести на Viber

И  Македонија и Бугарија ги формираа Комисиите кои ќе работат на Договорот за  добрососедство што двете земји го потпишаа минатата година на втори август.

Од Владата информираа дека и мултидисциплинарната експертска комисија за историски и образовни прашања и меѓувладината комисија се комплетирани.

На чело на првиот тим одговорен за преговорите со Бугарија - стои академик д-р Драги Ѓорѓиев. Во комисијата членуваат и универзитетските  професори  - Љубица Спасовска, Ванчо Ѓорѓиев, Љупчо Ристески, Петар Тодоров, Дарко Стојанов, Александар Литовски. Освен двајца од нив, сите останати се историчари...Во заедничката меѓувладинакомисија  членуваат министри и советници во владата, амеѓу нив Никола Димитров и Бујар Османи, Комисиите, иако формирани, до сега не оствариле средба.

Претседател на  Бугарската комисија која ќе ги води преговорите со Македонија стои првиот амбасадор во Скопје проф. Ангел Димитров.

Првиот човек на Комисијата за бугарските медиуми рече дека  е свесен за одговорноста што ја преземат бугарските претставници во мешаната комисија.

- Со колегите од Република Македонија ќе имаме сериозни разговори. Се надевам дека нивниот состав на комисијата е избран така што треба да се даде шанска за норамален развој на разговорите. Од наша страна ние ќе ја покажеме оваа добронамерносст, која е утврдена во Договорот за пријателство и добрососедство, рече Димитров.

Заменик-претседател е еден од основачите на Бугарското здружение на родовите од Македонија - доц. Наум Кајчев. 

Според Договорот за добрососедство, Комисиите ќе дискутирааат и одлучуваат за историски, образовни и други прашања.