ПРАШАЊА ШТО НЕ МАЧАТ: Зошто за куќниот притвор на Камчев молчеле сите обвинители освен Ајро
Објавено во: Македонија 27 Јануари, 2020
Обвинителката Лиле Стефанова на денешното рочиште за Рекет во кривичниот суд откри многу интересни детали за предметот Империја. Таа тврдеше дека нејзината поранешна шефица Катица Јанева ја терала да го затвори предметот Империја против Орце Камчев.
Стефанова рече дека Јанева на состанок наложила да се пуштат од притвор Камчев и Панделевски, како и уште тројца осомничени во Империја.
Една од најинтересната работа што ја кажа поранешната обвинителка од СЈО, е тоа што кога Јанева барала притворот да се замени со куќен, освен Артан Ајро, на состанокот молчеле сите други обвинители.
„Рече дека тоа е важно за процесите за донесување на законот за јавно обвинителство. Се побуни само обвинителот Артан Ајро, а другите си молчеа“, сведочи Стефанова, по што рече дека не можела да сфати како Камчев и Панделевски имаат врска со законот за јавно обвинителство.
Според Стфанова, Јанева со висок тон им се обраќала на обвинителите, барајќи спогодби за Камчев да излезе од притвор и предметот против него да се затвори. Рече дека во тие моменти сакала да си даде оставка и да излезе пред медиумите.
По тој состанок мерките притвор биле заменети со куќен притвор сè до февруари лани, кога Врховниот суд ги укина мерките.
Инаку, политичари, бизнисмени, познати судии и обвинители ургирале во предметот Империја за време на предистрагата за бизнисменот Орце Камчев.
Стефанова во сведочењето раскажа и низ какви притисоци минувала веднаш по отворањето на истрагата против Орце Камчев, Цветан Панделески, Сашо Мијалков и останатите од осомничената група.
„Кога го викнав Камчев во СЈО од притвор, тој искористи еден момент и ми извади еден лист хартија и рече - читај за да се запознаеш со мене. Горе на листот стоеше лого ’Аџибадем Систина‘. Ми рече да не го читам кириличниот текст, туку тој на латиница. Текстот беше напишан од Наташа Савова. Ми беше препорачано да разговарам со Сашо Мијалков за мое ослободување од оваа истрага. Камчев ми укажа дека многу луѓе се околу него и може да влијае на истрагата. Во текстот од Савова пишуваше дека за Камчев во пакет ќе се предвидат многу мерки за кои ќе се погрижи таа“, сведочеше Стефанова.
Ова Стефанова и го кажала на Јанева, но таа ништо не одговорила.
Можеби ќе ве интересира
Анкетата на МКД.мк и Маркет најпрецизна за првиот круг претседателски избори
Таравари по телефонскиот повик од Мицкоски: ВМРО-ДПМНЕ разбира колку „тежиме“
ПОПЛАВА ВО ТОКСИКОЛОГИЈА: Пукнала цевка за парно, поплавени биле повеќе делови на клиниката
МАСКИРАН СО „ФАНТОМКА“ ВЛЕТАЛ ВО КАЗИНО СО АВТОМАТСКА ПУШКА - украл над 300 илјади денари, еве ги деталите
„АРТАН, ТЕРАПИЈАТА ТИ ЈА ПРЕПИШУВА Д-Р АРБЕН, ЌЕ ЈА ПРИМИШ НА 8 МАЈ“: Ганиу му се обрати на Груби
СЛАВЧО ПОПОСКИ ВЕЛИ ВИКЕНДОВ МОЖЕ ДА СЕ ПРАВИ СКАРА: Температурите ќе растат, во недела до 27 степени
„СОНЦЕТО ИЗГРЕА И Е УБАВ ДЕН ЗА ТУЖЕЊЕ“: Адвокатот Јанаки ќе го тужи Горан Костовски од Левица
ПОЧИНА ЕДЕН ОД ОМИЛЕНИТЕ ПРОФЕСОРИ НА МАКЕДОНСКИТЕ АКТЕРИ ШТО СТУДИРАЛЕ ВО СОФИЈА, АЛЕКСАНДАР ИЛИЕВ: „За сите кои бевме дојдени од странство се грижеше како за свои деца“
„ЗА РАЗЛИКА ОД МЕНЕ, ТИЕ ПРЕД ОЧИТЕ НА ЦЕЛА МАКЕДОНСКА ЈАВНОСТ ИЗЛЕГОА ВО АЛКОХОЛИЗИРАНА СОСТОЈБА“:Јакимовски му возврати на Муцунски за малиот број гласови на Стевчо
