ПРАТЕНИЦИТЕ СО ПОРАКИ ДО ГРАЃАНИТЕ: Спомнаа „прав“ пат со кривини, но и кој ќе заврши на буништето на историјата
Објавено во: Македонија 16 Февруари, 2020
Пратениците упатија пораки до граѓаните за кого да ја дадат довербата на 12 април.
Пратеникот Никола Мицевски од ВМРО-ДПМНЕ изјави дека граѓаните не треба да го бираат „правиот“ пат на екс премиерот и лидер на СДСМ, Зоран Заев со многу кривини.
Јован Митревски од СДСМ се заблагодари на сите колеги за соработката и нагласи дека Македонија сега е лидер во регионот, затоа што земјата повеќе не е изолирана.
Крсто Јовановски од ВМРО-ДПМНЕ рече дека Заев ќе заврши на буништето на историјата.
Се обрати и собранискиот спикер, Талат Џафери во име на пратеничката група на ДУИ, при што кажа дека го реализирале ветеното за албанскиот јазик. Рече дека во своето работење се воделе од стратешките цели на оваа земја.