Предлог за одземање концесија на македонска национална телевизија
Објавено во: Економија 07 Јули, 2018
Поради немање основни кадровски, технички, финансиски и просторни услови, Директорот на Агенцијата за аудио и аудиовизуелни медиумски услуги на Советот му предложи да ѝ биде одземена дозволата за телевизиско емитување на телевизијата „Канал5+“
„Врз ТВ Канал 5 Плус и ТВ Калтрина, Агенцијата изврши вонреден административен надзор за почитувањето на обврските од Правилникот за минимални технички, просторни, финансиски и кадровски услови за добивање дозвола за радио и телевизиско емитување“, гласи почетното образложение по извршениот надзор.
Наместо во телевизијата да работат 30 лица, од кои, 10 треба да бидат новинари со завршено високо образование, во медиумот бил вработен само директорот. Агенцијата во неколку наврати се обидувала да добие известување од телевизијата, но освен привиот одговор, сите останати биле игнорирани.
„Канал 5+“, заедно со А2 телевизија и Сител 3 плус беа првите приватни телевизии со сателитска национална концесија кои започнаа со емитување програма во 2008 година.