ПРЕДУПРЕДУВАЊЕ ЗА САД: Даночната реформа би можела да има големо дисторзно влијание на меѓународната трговија
Објавено во: Економија 12 Декември, 2017
Пет најголеми економии на ЕУ ги предупредија САД дека темелна реформа на американскиот даночен систем би можела да биде во спротивност со меѓународните обврски на таа земја.
Како што наведуваат „би можело да има големо дисторзно влијание на меѓународната трговија“.
Во писмото до министерот за финансии на САД Стивен Мнучин, министрите за финансии на Германија, Франција, Велика Британија, Италија и Шпанија велат дека се „исклучително загрижени“ поради три американски иницијатви во врска со даноците, меѓу кои е и предлог законот во Сенатот против даночните измами.
Сенатот на американскиот Конгрес на 2 декември го усвои предлог законот за реформата за даночниот систем, а тој текст треба да биде усогласен со верзијата која Претставничкиот дом на Конгресот ја усвои на 16 ноември.
Ако законот стапи на сила, тоа ќе биде најтемелна промена на американскиот даночен систем во последните 30 години.