Премиерот Церар свечено ќе биде пречекан пред Владата
Објавено во: Македонија 03 Април, 2018 08:24
Македонија продолжува со одржување на пријателските односи со Словенија, а доказ за тоа ќе биде и посетата на словенечкиот премиер Миро Церар, заедно со повеќе членови од неговиот кабинет во Скопје.
Официјалната церемонија за добредојде на словенечката делегација ќе се одржи денеска на платото пред Владата во 16 часот, по што е предвидена средба меѓу премиерите Заев и Церар, како и билатерален состанок на македонската и словенечката владина делегација.
Во 17,15 часот во медиа центарот на Владата, претседателите на владите на Македонија и на Словенија ќе одржат заедничка конференција за медиуми.
Утре Заев и Церар ќе ја отворат и ќе имаат свои обраќања на бизнис-конференцијата во просториите на Стопанската комора на Македонија со почеток во 10 часот. Словенечкиот премиер Церар за време на дводневната посета на Македонија ќе оствари средба и со претседателот на државата, Ѓорге Иванов, и претседателот на Собранието, Талат Џафери
Можеби ќе ве интересира
Загина работник од Аллбанија, му паднала машина додека работел на трафостаница
Поднесено обвинение пртив Сашко Јанчев, пратеникот на Левица, за сообраќајка со смртни последици
ФАКТОР НА ДЕНОТ: Надминат прагот на загадување во повеќе општини, издадени се препораки
ПРЕПОРАКА: Бремените и хронично болните да се ослободуваат од работа
(ВИДЕО) Русковска го пријавила Боки 13 во полиција за телефонско вознемирување
Мицкоски за реакцијата на грчкото МНР: За мене Македонија е свето име




