Премиерот кажа како ќе се постави Македонија ако ЕУ бара бегалски кампови
Објавено во: Македонија 29 Јуни, 2018
Европската унија од Македонија не бара бегалски кампови, но ни сме подготвени да помогнеме на Унијата ако се појави нова мигрантска криза, изјави денеска премиерот Заев од Брисел.
„Нема никакви разговори, никој не барал од Македонија бегалски камп“, рече Заев одговарајќи на новинарски прашања.
Премиерот додаде дека Македонија ја следи политиката на ЕУ и НАТО бидејќи верува дека ќе станеме нивни членки.
Тој рече дека Македонија во координација со ЕУ и НАТО, во случај на нови бегалски кампови ќе ја продолжи праксата почната во 2015 година.
Низ Макеоднија во тој време дневно поминуваа и до 3000 мигранти на патот кон земјите на ЕУ.
Македонија во близина на границата со Грција на површина од околу 1000 м2 тогаш постави шатори и монтажни објекти за прифаќање на бегалците.