Прибе: СЈО мора да продолжи со работа, но досега никој не е осуден

Добивај вести на Viber

Прибе забележува и дека досега, иако поминаа две години, никој не е осуден по обвинение на СЈО.

Eвропската Унија го објави вториот извештај на експертската група на Рајнхард Прибе во однос на владеењето на правото. 

Експертската група во јули беше во посета на земјава. 

Во извештајот е забележано дека СЈО мора да продолжи со работа, затоа што од суштинско значење е да продолжи кривичното гонење на одговорните за нелегалното прислушување.

„И покрај критиките, опструкцијата и не-кооперативниот став на широк опсег на клучни институции, вклучувајќи го и обидот на претседателот да ги помилува сите дури и оние кои потенцијално би биле под истрага, СЈО сепак покажува посветеност и компетентност. Сепак, ограничувањата и опструкциите на мандатот на СЈО го покренуваат прашањето за континуитет што е од суштинско значење за обезбедување на кривична одговорност. Постојат различни опции за да се обезбеди овој континуитет. Силна правна основа за ова е неопходна“- стои во најновиот извештај на Прибе.

Прибе има и забелешки за Законот за СЈО, односно посочува дека кратките рокови за поднесување на обвинение, им ја оневозможува работата на обвинителите. Се препорачува СЈО да се припои кон Републичкото јавно обвинителство, како специјализирана единица или одделение.