ПРИЧИНАТА ЌЕ ВЕ ИЗНЕНАДИ: Додека цел свет посвојува мали деца, Јапонија посвојува возрасни мажи
Објавено во: Свет 24 Август, 2017
Aмерика и Јапонија имаат најголеми стапки на посвојување, но со една голема разлика. Додека повеќето Американци посвојуваат мали деца, во Јапонија децата претставуваат 2% од сите посвоени. Мажите во дваесеттите и триесетите години ги сочинуваат преостанатите 98% или речиси 90 000 лица во 2008 година. Сега се поставува прашањето зошто во Јапонија се посвојуваат возрасни.
Причината е просто неверојатна. Смислата за бизнис и вештините не се баш во сите случаи наследни. Како резултат на тоа, повеќето семејни бизнис пропаѓаат по смртта на нивниот основач.
Дури 37 членови го сочинуваат Лес Хенокиенс, братството на компанијата која има бизниси ширум светот веќе 200 години, но и ден денес ја водат членови на семејството.
Две компании кои наскоро треба да ја понесат титулата на најстара семејна компанија се Хоши која е основана во 781 година и Конго Гуми, будистички храм кој е основан во 578 година.
Пред Втората светска војна, градскиот кодекс на Јапонија одредил дека семејното богатство мора да се пренесува по машка линија. Традиција е се да преминува во раце на најстариот син.
Во домаќинствата кои имале само ќерки, дошло до големи побарувачки за посвоени синови кои би можеле да го преземат презимето и бизнисот.
Ако и биолошкиот син се смета за неадекватен наследник и тој може да биде заменет со личност која е посвоена. Од друга страна, семејствата кои имаат вишок на млади синови, ги праќаат на посвојување.
Иако овој закон не мора да се применува, бизнис семејствата тешко се откажуваат од старите навики. Опаѓањето на наталитетот во оваа земја е дополнителен фактор кој го намалува бројот на машки наследници.
Шефовите често бираат синови меѓу најпреспективните топ менаџери.
Семејните сопственици на Тојота и Сузуки, произведувачи на автомобили, ги посвоиле своите синови кои ќе продолжат да им го управуваат бизнисот.
Нивните биолошки родители во таква ситуација како подарок добиваат пари.
Оној кој биде избран за посвојување смета дека му е укажана голема чест. Се верува дека ова ја поттикнува конкуренцијата меѓу менаџерите, што осигурува дека бизнисот ќе заврши со добри раце.
Истражувањата покажале дека компаниите кои имаат посвоени наследници често се поуспешни отколку оние во кои управуваат биолошките наследници.