Приходите на грчките домаќинства помали од македонските?
Објавено во: Економија 20 Ноември, 2018
Најновото и „најекстремното“ истражување во Грција покажува дека големата должничка криза, рестрикциите, високите даноци и големиот јаз помеѓу богатите и сиромашните довело до тоа во просеч едно грчко домаќинство да има на располагање само 513 евра.
Тоа е помалкју дури и од просекот на македонското домаќинство, кое според годипниот статистичкли извештај на државниот завод, има на располагање 553 евра месечно. Една од причините за ова е можеби и тоа што македонските домаќинства живеат во поголеми заедници.
Просечниот приход на домаќинствата во Грција паднал за 42 отсто, во периодот меѓу 2009 и 2014 година, според последната анкета на непрофитна тинк-тенк Dianeosis, објави „Катимерини“.
Анкетата, која беше предводена од професорот Манос Мацаганис од Политехничкиот универзитет во Милано е објавена во понеделникот и покажува дека финансиската криза има влијание повеќе на работоспособното население отколку пензионерите, на младите луѓе одколку на старите, и луѓето со високо образование отколку од другите групи .
Пад од 42 отсто во расположливиот доход го следи намалувањето на 26 отсто од БДП во текот на истиот период, се вели во извештајот.
Работниците изгубиле 38,6 отсто од нивните плати, додека самовработени имаат приходи помали за 40,3 отсто, а пензиите паднале за 32,5 проценти.