14 Јуни, 2021
0.0206

Прилеп има вакцина за „короната“: Кој ја произведува?

Објавено во: Економија 12 Мај, 2021

И покрај бројните ограничувања врз угостителскиот сектор од кој директни последици трпат и производителите на пива и сокови „Прилепска пиварница“ покажа дека е омилен избор на Македонците. За првите 90 дена годинава пиварницата продала свои производи на домашниот пазар вредни 4,37 милиони евра, само 9 отсто помалку од лани, а завршила со нето добивка од 91.000 евра. Резултат за почит во „корона услови“ и во традиционално тешкиот – зимски квартал

„Прилепска пиварница“ првиот квартал го заврши со добивка од 91.000 евра. Одличен резултат со оглед на тоа дека имаше „дупли“ ограничувања. Прво, затоа што зимата традиционално не е период да пиво и газирани безалкохолни пијалоци и вториот и полошиот фактор е „корона кризата“ и нејзините бројни ограничувања. Затворени кафулиња и ресторани, забрани за свадби и свечености, ограничувања за движења и собирања....

Но и покрај тоа македонскиот бренд производител на пива и газирани сокови има успешен прв квартал. Продажбата дома изнесува 4,37 милиони евра и во споредба со истиот период лани кога немаше „корона ограничувања“ сега е намалена само за 9 отсто. Ова упатува на заклучок дека доколку состојбата беше нормална и потрошувачката реална и без ограничувања сега ќе имавме значајно зголемување на приходите од продажба на домашен пазар на брендовите: „Златен даб“, „Крали Марко“, „Туборг“, славната „Газоза“, „Пепси“, „Миринда“, „Портоколада“ и другите освежителни пијалоци од палетата на „Прилепска пиварница“.

Вкупната продажба за првите 90 дена годинава изнесува 4,4 милиони евра и во споредба со лани е пониска за само 8 отсто. Залихите на крај на март годинава вредат 1,27 милиони евра и во споредба со крајот на минатата година се поголеми за 300.000 евра.

Оперативните расходи на друштвото за трите месеци изнесуваат 4,7 милиони евра. Најголемо учество имаат трошоците за набавка на суровини и други материјали кои изнесуваат 1,9 милиони евра. Во однос на истиот период лани се пониски за 12 отсто. Трошоците за вработените се 600.000 евра и во споредба си истиот период лани се пониски за 9 отсто.

Оперативната добивка на пиварницата изнесува 45.000 евра и е неспоредливо подобар резултат од лани кога друштвото заврши со загуба од 200.000 евра.

Благодарејќи на финансиските приходи кои изнесувале над 45.000 евра компанијата за првиот квартал книжи добивка од 91.000 евра, а тоа е неспоредливо подобар резултат од лани кога завршиле со загуба од 150.000 евра. 

Р.Ф.

Можеби ќе ве интересира

Хотелиерите реагираат: Бројот на ваучери за туризам е премал

Хотелиерите реагираат: Бројот на ваучери за туризам е премал

„СОЛЕНИ“ ГОРИВА: Бензините нагоре за половина, дизелот за дури еден денар

„СОЛЕНИ“ ГОРИВА: Бензините нагоре за половина, дизелот за дури еден денар

ЗА ОНИЕ ШТО ЌЕ РАБОТАТ ВО НЕДЕЛА ПО ПРВИ ОКТОМВРИ - повисоки дневници од 50 до 100 отсто

ЗА ОНИЕ ШТО ЌЕ РАБОТАТ ВО НЕДЕЛА ПО ПРВИ ОКТОМВРИ - повисоки дневници од 50 до 100 отсто

Нови одлуки на Комисијата: Се укинува полицискиот час, се враќаат ноќните забави, неограничен број на гости на свадбите

Нови одлуки на Комисијата: Се укинува полицискиот час, се враќаат ноќните забави, неограничен број на гости на свадбите

Забрана за работа само за три компании, за останатите молк од институциите

Забрана за работа само за три компании, за останатите молк од институциите

СИТЕ 13 СЛОБОДНИ ЗОНИ ВО ЗЕМЈАВА СЕ ИСКОРИСТЕНИ САМО 29 ОТСТО - државата нема да отвора нови, прво да се „наполнат“ постојните

СИТЕ 13 СЛОБОДНИ ЗОНИ ВО ЗЕМЈАВА СЕ ИСКОРИСТЕНИ САМО 29 ОТСТО - државата нема да отвора нови, прво да се „наполнат“ постојните

Јагода ја доби неработната недела, Мила ја засилува активноста, Венко доби пауза, бизнисот се преструктуира

Јагода ја доби неработната недела, Мила ја засилува активноста, Венко доби пауза, бизнисот се преструктуира

ГОРИВА: Ќе има ли скок на цените по полноќ?

ГОРИВА: Ќе има ли скок на цените по полноќ?

ИЛОН МАСК ПАК ЌЕ ПРИФАЌА БИТКОИН: Најпознатата дигитална валута скокна

ИЛОН МАСК ПАК ЌЕ ПРИФАЌА БИТКОИН: Најпознатата дигитална валута скокна