Прилепчани сакаат Велоград: Стотина граѓани на педали во Прилеп
Објавено во: Мои пари 28 Септември, 2017
По исклучително успешната активност за чистење и разубавување во Ченто во саботата, оваа недела активно мрдаа со прст и Прилепчани во насока на промоција и унапредување на здравиот начин на живот, заштита на животната средина и едукација на најмладите.
Во рамките на 40-тата Критична маса на “НаТочак Прилеп”, стотина љубители на велосипедизмот мрднаа со прст и го кренаа градот под Марковите кули на педали на досега најголемата критична маса во Прилеп.
Млади и стари, големи и мали, Прилепчани гордо застанаа зад своите точаци и испратија јасна и гласна порака дека е неопходно Прилеп да добие соодветна инфраструктура, а пред сè - сообраќајна култура за возење велосипеди. За дружбата да остане запаметена, на почетокот и крајот на рутата, велосипедистите ги пречекаа познатите мрдачи со прст DJ Гоце Саф и Марко Новески кои им се придружија во испраќање на нивните вело-визии - Прилеп да прерасне во вело-град и надалекудаодекне велосипедското ѕвонче.
Со овие настани, иницијативата “Мрдни со Прст“ продолжува со активностите за подигнување на свеста на граѓаните за различните можности за општествени промени кои се во доменот на секој поединец. ,,Tи си на потег” како слоган на кампањата го повикува секој граѓанин да даде своја идеjа, да се вклучи и да реализира активности со цел да направи одреден придонес во заедницата во која живее.
Се надеваме дека овој настан во Прилеп ќе ги поттикне љубителите на велосипеди и во другите градови да се организираат и да креираат вакви акции. Повеќе информации за тоа како секој може да се вклучи, а воедно и детали околу досегашните и следните активности на “Мрдни со Прст“ се достапни на www.mrdnisoprst.mk, како и на Facebook страницата www.facebook.com/MrdniSoPrst.
Во продолжение идиличната вело - атмосфера од вчерашниот настан на Прилепските улици.
Можеби ќе ве интересира
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
TTK Банка АД Скопје по втор пат ја зголеми основната главнина преку скрип емисија на нови акции по пат на приватна понуда
ВТОР ДЕН ОД САМИТОТ НА МАКЕДОНИЈА2025: Дигитализацијата и елиминирање на корупцијата - предуслови за забрзан економски раст
Македонски Телеком со најголеми просечни брзини и најдобри резултати за вкупните перформанси на мрежата
Реномирани музичари, книжевници и актери се дел од програмата на „Видик“ – нов фестивал за литература и општа култура
