Притворените за „крвавиот четврток“ си прошверцувале мобилни во затвор?
Објавено во: Македонија 23 Март, 2018
Во претрес кај лицата кои се притворени за настаните во Собранието од 27 април лани, се пронајдени неколку мобилни телефони.
Информациите за телефоните кои биле прошверцувани во затворот „Скопје“ во Шуто Оризари утрово ги објави Дојче Веле повикувајќи се на извори од истрагата. Според истите извори на медиумот, се претпоставува дека најверојатно била искористена можноста телефоните да бидат внесени замаскирани меѓу храната што ја носеле членови на нивните семејствата за време на посетите, но не се исклучуваат и други начини.
Неофицијално, пишува Дојче Веле, телефонски апарати биле најдени кај пратениците Крсто Мукоски и Сашо Василевски, ексначалникот во МВР, Оливер Поповски, член од обезбедувањето на Трајко Вељаноски и други лица.