Приведен светиниколчанец за мачење животни по ургенција на Жерновски кај Спасовски
Објавено во: Македонија 19 Септември, 2020
Младен Ефремов, светиниколчанецот кој се најде на јавна осуда на социјалните мрежи за начење на ќивотни, е приведен од локалната полиција по ургенцијата на актуелниот заменик-министер за надворешни работи Андреј Жерновски кај министерот за внатрешни работи Оливер Спасовски.
Групата за заштита на животните сподели текстуална порака во која Жерновски ги уверува дека мачителот на животно, кој деновиве сподели видео како неговото куче убива друго, е приведен откако го пријавил кај Спасовски.
„СВР Штип – ОВР Свети Николе ќе поднесе кривична пријава против М.Е. од с.Ерџелија, Свети Николе, поради сомнение за сторено кривично дело „мачење животни”, казниво по член 233 од Кривичниот законик, во врска со што се појави и видео на социјалните мрежи.
За настанот веднаш е известен надлежен Јавен обвинител, согласно член 280 и член 282 од Закон за кривична постапка, по чија наредба е извршен увид, а М.Е. е приведен и со него е извршен разговор. По целосно документирање на настанот ќе следи соодветен поднесок до надлежното Јавно обвинителство, информираат од МВР.“, објави МВР.