Приведоа германски разузнавач за откривање на тајни пред исламисти
Објавено во: Свет 30 Ноември, 2016
50-годишен германски разузнавач е уапсен во Дизелдорф поради откривање на државни тајни на исламистички сајт.
Германската агенција за внатрешно разузнавање BfV пред еден месец открила дека нејзиниот службеник се обидува да дојде до „чувствителни" информации користејќи лажен профил и име во коментарите на „екстремистички исламистички сајт".
BfV одби да го соопшти идентитетот и позицијата која ја заземал уапсениот во агенцијата.
„Против него е покренато обвинение за исламска наклонетост коментари на интернет со користење на лажно име и профил и откривањето на податоци од агенцијата. Додека беше на работа кај нас не е забележано сомнително однесување од негова страна"- се вели во соопштението на BfV.
Властите во Берлин ја зголемија контролата и следењето на исламистичките групи во земјата, по двата џихадистички напади во јули оваа година во Германија. Според BfV на територијата на Германија дејствуваат околу 40 000 исламисти, вклучувајќи и 9200 крајни исламисти, по познати како салафисти.