ПРОЦЕНТОТ НА ИЗЛЕЗНОСТА ДО 9 ЧАСОТ Е 5,25: ДИК соопшти каде гласањето не почнало навреме заради технички проблеми

Добивај вести на Viber

Претседателот на Државната изборна комисија, Александар Даштевски соопшти дека излезноста на локалните избори во вториот круг на ниво на држава е 5,25 до 9 часот утринава. Рече дека од вкупниот број избирачи гласале 56.700 граѓани со право на глас.

Поединечно, по општини, процентот на излезноста е следен:

-Во Ранковце процентот на излезност е 15,23, Конче 14,28, Пехчево 13,73, Лозово 11,89, Зелениково 11,85, Кратово 11,02, Пробиштип 10,94, Демир Хисар 10.88, Вевчани 10,51 и Ресен 9,18, а другите општини се под 9 проценти на излезност, рече Даштевски.

Истовремено, претседателот на ДИК информираше за одредени технички проблеми на некои избирачки места заради кои гласањето не започнало навреме.

- Имаше технички проблеми на неколку избирачки места во Скопје и на неколку избирачки места надвор од Скопје. Главен проблем бил со мемориските картички, но тоа е сега надминато и гласањето таму каде што беше прекинато повеќе од саат време ќе продолжи за толку колку што е прекинато. Проблеми имало во едно место во Кисела Вода, едно место во Карпош, две места во Сарај и во Центар. Низ Македонија проблеми имало во три места во Злетово, во Македонски Брод, во Лабуништа, Чешиново-Облешево, нагласи Даштевски