Професор Марјан Ѓуровски како дел од Главниот штаб на ЦУК: Треба да сме под едно исто знаме за да се справиме со пожарите!
Објавено во: Македонија 07 Август, 2021
Воспоставен e систем на координација
во услови на кризна состојба согласно Законот за управување со кризи со што се
овозможува соодветна субординација и едностарешинство во носењето и во
спроведувањето на одлуките во борбата против катастрофата, оцени
универзитетскиот професор Марјан Ѓуровски кој учествува во работата на Главниот штаб за
управување со кризи на ЦУК, давајќи оперативна поддршка на како што
оценува, лавовската битка на Армијата,пожарникарите,МВР, ЦУК, ДЗС и другите во справување со
пожарите.
Според неговиот став и оценка „плански се искористуваат расположливите ресурси,при што особено е значајна поддршката од воздух од Армијата и помошта добиена од соседните земји, како и ЕУ и НАТО механизмот за цивилна заштита.
Според Марјан Ѓуровски, доктор по безбедносни и одбранбени науки, научените лекции од прогласената кризна состојба, силните и слабите страни, како и евентуалните недостатоци во справувањето со пожарите, тоќе го направат пофункционален системот и надминување на слабостите преку градење на нов концепт на систем за управување со кризи и заштита и спасување,но сега не е време да се зборува за тоа, важно е успешно да се справи постојниот систем на државата со пожарите.
Тим на универзитетски професори ќе излезе со посебни препораки по справување со пожарите и завршување на кризната состојба, најави професор Ѓуровски. Тој на крајот порачува дека „Во овие тешки времиња, најважно е сите да сме под едно исто знаме и да се справиме со пожарите,кои се последица на природни и на технички причини, како и нивно подметнување од економски и други различни побуди“.