ПРОГНОЗИ НА СВЕТСКА БАНКА: Колкав раст да очекуваме во 2018 година?
Објавено во: Економија 10 Јануари, 2018
Светска Банка ги ревидираше надолу проекциите за раст на Maкедонија во однос на јуни минатата година.
Македонија ја завршила 2017-та со раст од 1.5%, а не со 2.8% колку што проектираше лани. Економијата ќе порасне за 3.2%, покажуваат последните проекции на Светска Банка објавени во најновиот извештај за глобалните економски перспективи. За догодина се смета дека економскиот раст ќе изнесува 3.9%, а во 2020-та година 4%.
Во регионот највисок раст во 2018 година ќе има Косово од 4.8%. Повисок раст на економијата од Македонија ќе имаат и Албанија и Бугарија, Босна и Херцеговина ќе има ист раст како и земјава, а послаби резултати ќе имаат Србија, Црна Гора и Хрватска.