Протестот на средношколците ќе се одржи и покрај приемот во Владата
Објавено во: Македонија 27 Август, 2020
Најавениот протест против целосната онлајн настава сепак Средношколскиот сојуз ќе ја одржи во закажаниот термин на 31 август и покрај тоа што претставници без примени на разговор во Владата у вчера беше донесена одлука новата учебна година да започне на 1 октомври. Почетокот на протестот е закажан во 17.30 часот пред Министерството за образование и наука и е планирано да заврши пред Владата.
Ова го потврди претседателот на Сојузот, Бленди Ходаи, кој за МИА изјави дека учебната година бил нивни предлог.на средбата со Владата по што било одлучено да се одложи стартот на 1 октомври за да се разгледа можноста до тогаш за комбиниран модел на настава во општините кои имаат релативно мал број на позитивни случаи на Ковид-19.
- Ние ќе протестираме за да имаме комбиниран модел од 1 октомври, а не наставата да почне онлајн, а моделот да се смени потоа, накај ноември. Ние сакаме децентрализиран пристап, а не една одлука за сите. На пример во Тетово, од каде што сум јас, има многу заразени со КОВИД-19, не треба да се оди во школо и треба ригорозна онлајн-настава. Но ако е некој од Охрид, Ресен или Струга каде што нема многу заразени секој ден, треба да се оди во школо. Не да сме базирани што има Скопје, Куманово или Тетово, вели Ходаи.
Сојузот има ограноци во 17 градови во земјава и организаторот очекува голем број на учесници во протестот, вклучувајќи ги и родителите.