Протестот почнува во 12.30: Мицкоски се извинува за метежот, бара масовност
Објавено во: Македонија 01 Декември, 2020
Протестот на ВМР-ДПМНЕ кој е закажан за денеска треба да почне во 12:30 часот и да заврши до 14 часот. Ќе се протестора пред Министерството за надворешни работи и пред Владата. Лидерот на партијата Христијан Мицкоски во вчерашното фејсбук обраќање ги повика граѓаните да се приклучат на како што рече натпартиски, обединувачки реакции на кои треба гласно да се зборува. Побара од граѓаните извинување ако во денот поради протестот ќе има сообраќаен метеж.
„Ве молам имајте разбирање за сето ова кое што денеска го правиме затоа што ако денеска не успееме се плашам дека некои идни генерации ќе имаат можност грешката која што денеска ќе ја направи Зоран Заев и СДСМ ќе имаат можност да ја поправат. А до политичарите, сакам една порака да упатам. Немојте да се дрзнете да го чепкате македонскиот идентитет, македонскиот јазик, посебност, македонската историја, традиција, обичаи. Немојте да се дрзнете и да помислите и да се откажете од македонското малцинство кај нашиот источен сосед затоа што таа хартија која што вие ќе ја потпишете е безвредна. Следната Влада која што ќе биде Влада на единство, истото тоа парче хартија нема намера да го почитува, рече Мицкоски.
Вели дека само политички аматер може да потпише договор во кој што критериум за напредокот на Македонија и нејзината интеграција во рамките на ЕУ ќе бидат лингвистичките проблеми и проблемите со историјата.
„Само политички аматер може во една таква подредена состојба да ја донесе сопствената држава, сопствениот народ и сопствената нација, рече Мицкоски зборувајќи за Заев.