Путин има „златен ген“ - од каде ова влече корени објаснија научниците

Добивај вести на Viber

Опсадата на Ленинград од нацистите во Втората светска војна остави последици на генетскиот код на граѓаните на Санкт Петербург, вклучувајќи го и претседателот на Русија, Владимир Путин, кој е роден неколку години по окупацијата.

Ова го тврди филмот во режија на Елеонора Лукианова „Блокада крв. Генетика“, кој што на 18 јануари го гледаа претставници на министерството за култура, Думата, како и ветерани од Втората светска војна.

Окупацијата на Ленинград од страна на германските и финските сили за време на Втората светска војна траела 872 дена, а жителите наоѓале најразлични начини за преживување така што  јаделе кучиња, домашни миленици, па дури и лепило, а важна улога имало и донирањето на крв на војниците повредени во борбата со нацистите.

Од почетокот на нацистичката инвазија на Советсиот сојуз на 22 јуни 1941 година, па до крајот на годината, 25.865 луѓе донирале крв за повредените војници во замена за малку храна.

Така била формирана посебна крвна супстанца која што содржела 10% нулта крвна група, па граѓаните на денешен Санкт Петербург имаат „златен ген“ – поточно генетска мутација која, според мислењето на психолог, ги обединува во иста психолошко-бихевиорална група.

Како најсветол пример се спомнува претседателот Владимир Путин, кој што е роден во 1952 година, неколку години по окупацијата. За него ова е болна тема, а неколку пати јавно говорел и пишувал за членовите на семејството што го изгубил за време на опсадата, вклучувајќи го и постариот брат.

Приказните за златниот-ген ги потврди и истражувањето на Институтот за гинекологија и акушерство во Санкт Петербург. Тие пред неколку години анализираа група на луѓе кои ја преживеале окупацијата и пронашле три генетски мутации кои се поврзуваат со поефикасен метаболизам.

Генетичарот Стивен О’Брајен изјави дека наодите на Институтот се фасцинантни, но предупреди дека малиот примерок на преживеани ги направил резултатите потешки за интерпретација.