РАБОТА ЗА ЛИЦАТА ОД СОЦИЈАЛЕН РИЗИК, најавува Весковски
Објавено во: Македонија 30 Септември, 2021
Хуманитарна акција на Црвен крст - Карпош и кандидатот за градоначалник на Општина Карпош, Душко Весковски беше организирана вчера. На настанот се здружиле бројни граѓани, со цел да помогнат на граѓаните од социјален ризик. Освен кандидатот за градоначалник Весковски поддршка дадоа и советниците, како и Претседателката на ОО Карпош - Марија Мери Георгиевска.
„Целта на нашата политика и проекти насочени кон нашите сограѓани во социјален ризик е обезбедување поддршка и помош за овие лица, во соработка со државните институции, Црвениот крст, невладините организации и сите други засегнати страни“ – посочи Душко Весковски, кандидат за градоначалник на Општина Карпош.
Рече дека освен социјалната помош што ја добиваат од државата, доколку победи ќе се создаваат можности за работоспособните лица од оваа категорија редовно да се вклучуваат во работните процеси, не само во јавниот сектор туку и во приватниот, за што ќе добијат паричен надоместок, но пред сѐ, ќе имаат можност за подобрување на нивниот социјален живот и вклучување во општествениот живот.