Ранг листа на Франс прес - кои се највидните личности за 2016?
Објавено во: Свет 21 Декември, 2016
Новоизбраниот претседател на САД, Доналд Трамп го зазеде првото место на листата на највидните или влијателни личности на 2016 година, составена од новинарскиот колектив на Франс прес.
Подолу се државните лидери на Русија, Владимир Путин, и на Турција, Реџеп Таип Ердоган, пренесе АФП .
Како и минатата година, новинарите од агенцијата насекаде во светот учествуваа во изготвувањето на рејтинг листата.
Листата на најзначајните според АФП личности на годината вклучува 10 лица. По тројцата лидери агенцијата ја рангира и поранешната кандидатка за претседател на САД Хилари Клинтон, поранешниот лидер на британските антиимигранти, Најџел Фараж, претседателот на Сирија, Башар Асад, претседателот на САД, Барак Обама, папата Францис, нобеловиот лауреат за литература Боб Дилан и првата дама на САД, Мишел Обама.
Листата е направена врз основа на анкета меѓу 300 вработени на агенцијата. Тие избираат меѓу 30 личности, предложени од главните уредници.