Расипаното говедско месо од Полска тресе 13 земји од ЕУ
Објавено во: Економија 04 Февруари, 2019
Германија, Шпанија, Естонија, Финска, Франција, Унгарија, Литванија, Летонија, Португалија, Романија, Шведска и Словачкa покрај Полска се земјите кои се најдоа на удар на расипано говедско месо.
Службите на ЕК за безбедност на храната сопштуваат дека 13 земји од ЕУ се засегнати од ова месо.
-Од блиску го следам случајот и побарав од инспекторите во мојот тим да бидат во Полска в понеделник за да ја проценат состојбата на терен. Приоритет е да се пронајдат и повлечат сите производи кои доаѓаат од таа касапница, изјави еврокомесарот за безбедност на храната, Витени Андриукаитис.
Тој ги повика полските власти да спроведат темелна истрага и да ги преземат сите потребни мерки за почитување на правото на ЕУ, вклучително и „ефикасни и брзи казни“ против ова „криминално однесување“ кое претставува ризик за јавното здравство и сведочи за „неприфатлив третман на животните“, додаде комесарот.
Полските власти во петокот ја информираа Европската Комисија дека касапницата е затворена и дека се уништуваат производите кои доаѓаат оттаму.
Кон крајот на јануари, истражувачки новинар во Полска откри дека во касапницата се малтретираат животните и дека се произведува расипано месо од болни говеда кое потоа се извезува ширум ЕУ.
Европската Комисија го активираа системот на брзо алармирање за прехранбени производи, пренесе МИА.