Размрдана и владината коалиција: По интервјуто на Заев ЛДП бара средба на партнерите

Добивај вести на Viber

Има ли притисок во владината коалиција по блокадата од Бугарија во евроинтеграциите и по интервјуто на премиерот Зоран Заев за БГНЕС? Либерлано димекратската партија бара по Извршниот одбор на партијата вчера како заклучко изглааса барање за средба на коалиционите партнери за да се разговара за ЕУ перспективите, особено во контекст на ветото од Бугарија и интервјуто на премиерот за БГНЕС. Оттаму велат дека за ЛДП членството на Македонија во ЕУ останува врвен национален приоритет, врз основа на критериумите од Копенхаген, притоа почитувајќи ја реалноста за македонскиот идентитет и национална посебност, втемелени во двата Илиндени од 1903 и 1944, како и референдумот за незавиност од 1991 година.

„ЛДП бара средба на коалиционите партнери за да се разговара за ЕУ перспективите, особено во контекст на ветото од Бугарија и интервјуто на премиерот за БГНЕС. ЛДП се залага за решавање на сите отворени прашања преку отворен дијалог, врз основа на взаемно почитување, споделени вредности и презентација на потврдени факти. ЛДП инсистира на доследно почитување на ратификуваните меѓународни договори кои ги обврзуваат договорните страни, потсетувајќи дека сите постојни договори го потврдуваат несомненото постоење на македонскиот народ, македонскиот јазик и македонската култура, се дел од заклучоците.

Додаваат дека го осудуваат говорот на омраза, особено на неприфатливиот говор кој го негира самоиндентификувањето на секоја личност и на секој колективитет, вкучително и понижувањето на македонскиот народ и македонската нација.

 ЛДП нема да ги коментира изјавите на дел од бугарските политичари до завршувањето на изборите, бидејќи како што велат немаат намера да им помага во градењето на нивниот рејтинг заснован на шовинистичка и националистичка реторика.