РЕДИЦИ ПРЕД ПРИВАТНИТЕ ЛАБОРАТОРИИ, СКОПЈАНИ СЕ ТЕСТИРААТ ВО СВЕТИ НИКОЛЕ: Тешко до термин за ПЦР

Добивај вести на Viber

Скопјанка која имала контакт со заболен на дочекот на Нова година, а по неколку дена и симптоми мораше да се тестира во Свети Николе, каде матичниот доктор и најде термон за ПЦР тестирање. Деновиве практично и да нема термини за тестирање во главниот град, а пред приватните клиники и лаборатории буквално имаше редици на граѓани. Според последната статистика во последните 24 часа се направени над 11 илјади тестови, а позитивни се 1.396 граѓани од кои дури 790 се од Скопје.

Статистиката за направени тестови покажува дека голем дел се во приватните установи. Така во ИЈЗ се направени 308, ЦЈЗ Скопје-79, ЦЈЗ Битола-123, ЦЈЗ Прилеп-77, ЦЈЗ Тетово–8, ЦЈЗ Куманово-253. Но во Жан Митрев (Филип Втори) има 198, Авицена - 313, Биотек - 501, Систина-179, лабораторија Лаор-932,Синлаб-158, Ремедика-30, Плодност-222, Генеа-13, Никоб Лаб - 1.048, ВФВ Медикал-159, Ели Медика - 599, Ројал Медика–120, Спектра-ММ-63, Рапид Лаб–71, ЖанМитрев Струмица–71, Нова Лаб Дијагностика–60, Рамус-34.

Матичните лекари смируваат и велат дека сепак нема простор за паника, бидејќи најголемиот број пациенти вирусот го поминуваат со лесни сиптоми, слични на грипот.

Во земјава значително се зголемува бројот на заболени од сојот омикрон, иако с етврди дека се уште доминантна е делта варијантата. Во вторник ќе има седница на Комисијата за заразни болести на која треба да се разгледува новонастанатат ситуација и потребата за нови мерки. Нема да има ограничувања туку само прилагодување на времетрањето на изолацијата и издавањето на решенијата.