Регистрациите на нови автомобили на најголемиот европски пазар на најниско ниво од 1985 година

Добивај вести на Viber

Европската автомобилска индустрија продолжува да не покажува знаци на закрепнување откако пандемијата на ковид -19 донесе уште една предизвикувачка година. Минатата година, комбинираните регистрации на нови автомобили во Германија, Франција, Обединетото Кралство, Италија и Шпанија беа на најниско ниво од 1985 година, објави jato.com.

Според податоците на JATO, земјите од ЕУ5 регистрирале 8.275.153 единици во 2021 година - што претставува приближно три четвртини од вкупниот европски број на регистрации. Забележана е полоша година од 2020 година, во која беа регистрирани 8.474.491 возила - 2021 година, исто така, забележа 2,4 отсто помалку од 2020 година и 27 отсто помалку во споредба со нивоата пред пандемијата. Во 1985 година е последен пат кога овие пазари забележале помалку од 9 милиони единици, кога обемот изнесувал 8.233.721.

Кога се гледаат перформансите на поединечните пазари, вкупната продажба навистина се зголеми во Франција, Британија и Италија, во споредба со 2020 година. Ова, сепак, не беше доволно за да се компензираат тековните предизвици со кои се соочува германскиот пазар, кој исто така ги забележа своите најлоши резултати од 1985 година.

Volkswagen падна за 10 отсто во Германија

Падот на регистрациите на нови возила што го почувствува германскиот пазар минатата година, во голема мера се должи на тешкотиите со кои се соочува групацијата Фолксваген. Додека најголемиот производител во земјата се обиде да ја поттикне својата електрична понуда преку голем број лансирања, побарувачката за електрични возила не беше доволна за да го надомести намалениот интерес на потрошувачите во традиционалните сегменти.

Ситуацијата во автомобилската индустрија во Европа се пресликува и кај компаниите од овој сектор во Македонија. Иако надлежните репортираат рекорден извоз во 2021 и раст во споредба со 2020, тоа во најголем дел се должи на зголемените цени на репроматеријалите поради што и увозот е драстично зголемен. Реалноста е дека обемот и волуменот на производство, посебно во втората половина на 2021, е намален во споредба со 2020 кај автомобилските добавувачи кои работат во Макеоднија. Ова беше презентирано и во анкетата спроведена меѓу своите членки од страна на Асоцијацијата на странски компании со технолошко напредно производство на крајот на Декември. Трендот на намален обем на работа и намалени продажби на возила во Европа се очекува да продолжи и во првиот квартал на 2022.